Bi partida, bi garaipen eta bi erakustaldi. Horrela laburbildu daiteke Elorri Aldapa saskibaloi taldearen denboraldi hasiera. Larunbatean Erroibide Irunen kantxan aritu ziren alegiarrak eta 31 eta 60 irabazi zuten. Hasieratik erritmo altua jartzen saiatu zen Elorri Aldapa. Talde lana martxan jartzea lehen jardunaldian baina gehiago kosta zen eta horren ondorioz, lehen hamar minutuak 8-11 amaitu ziren. Bigarren laurdenetik aurrera hasi zen Elorri Aldaparen makinaria behar bezala lanean eta orduan lortu zuten markagailuko tartea nabarmen zabaltzea. Defentsa gogorrak baloi asko lapurtzeko aukera eman zion taldeari eta kontraeraso azkarrekin partida hautsi zuten.

Larunbatean hirugarren partida izango dute. Etxean ariko dira 16:15etik aurrera AZ Casa de la Riojaren aurka. Talde hau ere bi partidak irabazita iritsiko da Alegiara eta taldea ondo Indartu dutenez, hezur gogorra izango dute aurrean alegiarrek. Dena den, emaitza bolada onari segida eman nahiko dio taldeak eta horretarako ezinbestekoa izango da zaleen babesa. Gogoan izan, hirukoaren jokoa egingo dela atsedenaldian eta ikusleek modu horretara sariak irabazteko aukera izango dute.

Elorri Aldapak modu paregabean ekin dio 2023-2024 denboraldiari. Larunbatean Astigarragako Mundarro taldearen aurka jokatu zuten eta 89 eta 48 irabazi zuten. Azken markagailuak tarte zabala erakusten du baina lehen minutuetan gauzak estu izan ziren. Lehen laurdenean Astigarragakoek bost hiruko sartu zituzten eta lehen hamar minutu horiek 20 eta 22 amaitu ziren. Bigarren laurdenetik aurrera hasi zen balantza alegiarren aldera desorekatzen. Erritmo altua ezarri zuten defentsa gogor bat eginez eta horrek korrika egiteko aukera ugari eskaini zien. Horren ondorioz, 17 eta 7ko partziala egin eta atsedenaldira 37 eta 29 iritsi ziren.

Hirugarren eta azken laurdenetan bide beretik jarraitu zuen neurketak, Elorri Aldapa oso nagusi izanez. Taldeko ordezkariak pozik azaldu dira lehen partidan emandako itxurarekin. Jokalari guztiek minutuak izan zituzten eta hainbat jokalari berriak direla kontuan izanda, entrenamenduetan landutakoa praktikan jartzeko aukera izan zuten eta ez zen lesiorik izan.

Lehen garaipen hori lortuta, larunbatean 20:00etan Erroibide Irunen kantxan jokatuko dute. Irundarrek galdu egin zuten lehen partida 69 eta 59. Elorri Aldapakoek argi dute partida guztiak ez direla larunbatekoa bezalakoak izango. Asteburu bakoitzean erronka berri bat izango dute, arerioaren eta jokatzen den lekuaren araberakoa. Ez die balio erakustaldi bat eman ostean itxura eskasa emateak. Erregulartasuna dute helburu eta hori izango da denboraldi berrirako dituzten jomugak lortzeko gako nagusia.

Elorri Aldapak porrotarekin agurtu du denboraldiko lehen fasea. Alegiarrek Goierri Modelos Ezguba multzoko liderraren aurka jokatu zuten urtarrilaren 28an eta 58 eta 61 galdu zuten. Partidan ondo sartu ziren Elorri Aldapakoa eta lehen laurdena 17 eta 16 amaitu zuten aurretik. Hurrengo bietan aurkariak multzoko liderra zergatik den erakutsi zuen. Atsdenaldi luzera 24 eta 31 iritsi ziren eta hirugarren laurdena 33 eta 48 amaitu zen. Azken hamar minutuetan etxekoen erreakzioa etorri zen eta markagailuan asko hurbiltzea lortu arren, ez zen nahikoa izan eta 58 eta 61 amaitu zen partida.

Lehen fasea amaituta, Elorri Aldapa seigarren postuan geratu da 19 punturekin. Orain mailari eusteko  ligaxka jokatuko dute beste zazpi talderekin batera: AZ Casa de La Rioja, Hernani, Easo Basket, Zast Zarautz, Bosteko Irauli, Eibar Saskibaloia eta Easo Capricho izango dira alegiarrekin batera ariko direnak. Bigarren fase honi begira, multzo bereko taldeek lehen fasean elkarren arteko partidetan izandako emaitzak kontuan hartuko dira. Horrenbestean, Elorri Aldapak sailkapeneko lehen postuan ekingo dio bigarren fase horri, hamar punturekin.

Lehen jardunaldia otsailaren 11n, larunbatean, jokatuko Bosteko Irauli taldearen aurka 16:00etan Donostian. Bosteko Irauli hirugarren dago sailkapenean alegiarren puntu kopuru berarekin.

Hiruko jokoa

Gogoan izan, etxean jokatzen dituen partidetan, Elorri Aldapak jolas bat antolatzen duela atsedenaldian. Ikusleek izena eman dezakete eta hiruko bat botatzeko zozketan sartzen dira. Zozketan egokitzen den pertsonak jaurtiketa sartzen badu, Isastegi sagardotegiko produktu sorta eta pilatutako zakua irabazten ditu. Sartzen ez badu, Isastegiko sagardotegiko produktu sorta. Beraz, taldetik zaleak partida ikustera eta jokoan parte hartzera animatu nahi dira.

Elorri Aldapa saskibaloi taldeak lehen faseko azken partida jokatuko du larunbatean 17:00etan Elorrin. Goierri Modelos Ezguba multzoko liderra izango dute aurkari etxean alegiarrek eta zenbakiek ia guztia esaten dute. Goierritarrek hamabi garaipen eta porrot bat pilatu dituzte lehen fase honetan eta lehen itzuliko partidan ere 84 eta 50 irabazi zuten. Azken jardunaldi honetan gertatzen denak zehaztuko du bigarren fasean zein multzotan ariko den Elorri Aldapa.

Larunbatean AZ Casa de la Rioja taldearen aurkako liga partida izan zuten eta 69 eta 60 galdu zuten. Lehen laurdenean zazpi puntuko aldea zabaldu zuten donostiarrek eta atsedenaldi luzera 44 eta 35 iritsi ziren. Hirugarren laurdenean Elorri Aldapak erreakzionatu egin zuen eta 56 eta 51 hurbildu baziren ere, azken hamar minutuetan ezin izan zuten aurkaria gainditu eta azkenerako bederatzi puntuko aldeaz galdu zuten.

Azken jardunaldiaren atarian seigarren postuan daude 18 punturekin. Baja askorekin iritsi zen Elorri Aldapa larunbateko partidara. Kantxan izan ziren jokalariek ahalegin handia egin zuten baina ez zen nahikoa izan sasoi puntu bikainean den talde bati irabazteko. Izan ere, talde donostiarra izan da liderrari irabaztea lortu duen bakarra.

Hiruko jokoa

Gogoan izan, etxean jokatzen dituen partidetan, Elorri Aldapak jolas bat antolatzen duela atsedenaldian. Ikusleek izena eman dezakete eta hiruko bat botatzeko zozketan sartzen dira. Zozketan egokitzen den pertsonak jaurtiketa sartzen badu, Isastegi sagardotegiko produktu sorta eta pilatutako zakua irabazten ditu. Sartzen ez badu, Isastegiko sagardotegiko produktu sorta. Beraz, taldetik zaleak partida ikustera eta jokoan parte hartzera animatu nahi dira.

Garaipenaren aho zapore gozotik bezain hurbil egon zen larunbatean Elorri Aldapa porrotaren zapore mingotsetik. Alegiarrek Mondragon Unibertsitatearen aurkako liga partida izan zuten eta lehia estua espero bazen atarikoan, aurreikuspen guztiak bete zituzten bi taldeek. Kontaktu handiko partida izan zen hasiera hasieratik. Defentsak gailendu ziren erasoen aurrean eta lehen bi laurdenetan ondo moldatu zen Elorri Aldapa partida gogor horretan, atsedenaldira 28 eta 21 aurretik iritsita.

Partidak ildo beretik jarraitu zuen hurrengo bi laurdenetan ere baina azken segundoetara 52nako berdinketarekin iritsi ziren eta Elorri Aldapak partida irabazteko aukera izan zuen arren, azkenerako luzapenera joan zen partida. Luzapenaren hasieran arrasatearrek bi hiruko sartu zituzten zortea lagun izanez eta hortik aurrera, Elorri Aldapak nahi izan zuen arren, ezin izan zuen markagailua irauli. Azkenerako 61 eta 64 amaitu zen partida.

Garaipena eskura izan zutenaren sentsazioarekin geratu ziren jokalariak baina egindako partida zinez duina izan zen eta bide horretatik jarraituta, iritsiko dira azken asteetan garesti jartzen ari diren garaipenak. Horretarako hurrengo aukera azaroaren 5ean izango dute alegiarrek. Orain astebeteko atsedena izango dute eta azaroaren 5ean AZ Casa de la Rioja taldearen bisita izango dute Elorrin 17:00etatik aurrera.

Taldeak eskerrak eman nahi dizkie, beste behin ere, Elorriko harmailetan bildu eta taldea animatzen aritu ziren zaleei.

Hiruko jokoa

Gogoan izan, etxean jokatzen dituen partidetan, Elorri Aldapak jolas bat antolatzen duela atsedenaldian. Ikusleek izena eman dezakete eta hiruko bat botatzeko zozketan sartzen dira. Zozketan egokitzen den pertsonak jaurtiketa sartzen badu, Isastegi sagardotegiko produktu sorta eta pilatutako zakua irabazten ditu. Sartzen ez badu, Isastegiko sagardotegiko produktu sorta. Beraz, taldetik zaleak partida ikustera eta jokoan parte hartzera animatu nahi dira.

Maila berrirako egokitzapen bikaina ari da izaten Elorri Aldapa saskibaloi taldea. Bigarren mailan jokatu dituen bi partidak irabazi dituzte eta bi neurketetan maila bikaina emanez gainera. Ligako bigarren jardunaldiko partida jokatu zuten larunbatean Hernanin eta 34 eta 51 irabazi zuten. Defentsan oinarrituriko intentsitate handiko partida izan zen. Alegiarrek zaintza lan oso sendoa egin zuten talde osoaren lan handiarekin eta erasoan pazientzia izanez, markagailuan tartetxoa zabaltzen joan ziren, atsedenaldira 16 eta 22 iritsiz.

Hirugarren laurdenean 8 eta 15eko partziala egin zuten eta azkenerako 34 eta 51 irabazi zuten. Lehen jardunaldikoarekin alderatuta oso ezberdina izan zen partida baina Elorri Aldapak egoera horretara ere egokitzen asmatu zuen eta denboraldiko bigarren garaipena lortu zuten. Taldetik eskerrak eman nahi zaizkie larunbatean Hernanira Elorri Aldapa animatzera joan ziren zaleei.

Hurrengo partida larunbatean, urriak 1, jokatuko dute Elorrin 17:00etatik aurrera DKS taldearen aurka. Hauek lehen partida galdu egin zuten baina asteburuan garaipena lortuta iritsiko dira Alegiara. Taldetik dei egiten zaie zaleei larunbateko partidara taldea animatzera hurbildu daitezen.

Txikitasunean Handi

Larunbateko partida hori aukera ona izan liteke taldeko bazkide egiteko. Urtean 10 euroren truke taldeari laguntzeko eta egingo diren zozketetan parte hartzeko aukera izango du bazkide egiten denak. Etxeko partidetakoa da bazkide egiteko aukeretako bat. Bestea berriz, taldeko kideren batekin harremanetan jartzea.

Elorri Aldapa saskibaloi taldeak lehen faseko azken partida jokatuko du larunbatean 17:00etan Elorrin. Goierri Modelos Ezguba multzoko liderra izango dute aurkari etxean alegiarrek eta zenbakiek ia guztia esaten dute. Goierritarrek hamabi garaipen eta porrot bat pilatu dituzte lehen fase honetan eta lehen itzuliko partidan ere 84 eta 50 irabazi zuten. Azken jardunaldi honetan gertatzen denak zehaztuko du bigarren fasean zein multzotan ariko den Elorri Aldapa.

Larunbatean AZ Casa de la Rioja taldearen aurkako liga partida izan zuten eta 69 eta 60 galdu zuten. Lehen laurdenean zazpi puntuko aldea zabaldu zuten donostiarrek eta atsedenaldi luzera 44 eta 35 iritsi ziren. Hirugarren laurdenean Elorri Aldapak erreakzionatu egin zuen eta 56 eta 51 hurbildu baziren ere, azken hamar minutuetan ezin izan zuten aurkaria gainditu eta azkenerako bederatzi puntuko aldeaz galdu zuten.

Azken jardunaldiaren atarian seigarren postuan daude 18 punturekin. Baja askorekin iritsi zen Elorri Aldapa larunbateko partidara. Kantxan izan ziren jokalariek ahalegin handia egin zuten baina ez zen nahikoa izan sasoi puntu bikainean den talde bati irabazteko. Izan ere, talde donostiarra izan da liderrari irabaztea lortu duen bakarra.

Zaleei eskerrak

Elorri Aldapak autobuskada zale eraman zuen larunbatean Arrasatera. Etengabe animatzen aritu ziren eta bai larunbatean Arrasatera joan zirenei eta baita urte osoan zehar taldea babestu dutenei ere, eskerrak eman nahi dizkie taldeak. Larunbatean Arrasaten azken urrats hori ematen laguntzeko babesa ere eskertuko dutela adierazi dute.

Elorri Aldapa taldeak antolatuta, 3×3 saskibaloi txapelketa jokatu zen iragan larunbatean Alegiako jaien egitarauaren baitan. Txapelketak bi protagonista nagusi izan zituen. Batetik, goi mailako jokoa eta bestetik bero handia. Arratsaldean zehar partida ezberdinak jokatu ziren eta azkenerako ‘Gorka utzi txirrindularitza’ eta ‘Txester’ taldeak iritsi ziren finalera. Finalean ‘Gorka utzi txirrindularitza’ taldea nagusitu zen eta horrenbestean, beraientzat izan zen lehen saria. Herriko taldeei dagokienean, Iñaki Carrerak, Eneko Ontsalok, Asier Rojok eta Alejandro Roblesek osaturiko ‘Patxithinaikos’ taldea geratu zen lehen postuan eta Xabier Yugerosek, Xumai Aizpuruk, Arkaitz Gonzalezek eta Lander Karrerak osaturiko ‘Splash brothers’ bigarren.

Antolakuntzatik eskerrak eman nahi zaizkie txapelketan parte hartu duten jokalari guztei eta baita modu batera edo bestera txapelketa antolatzen eta egunean bertan guztia ondo ateratzeko lanean aritu diren etxe babesle eta bolondres guztiei ere.

Hori bai, zerbait faltan bota baldin badute, herritarren parte hartzea izan da. Talde oso gutxi animatu dira herri mailan eta datozen ekitaldiei begira jende gehiagok parte hartzea gustatuko litzaieke Elorri Aldapakoei.

Hiruko jokoa

Gogoan izan, etxean jokatzen dituen partidetan, Elorri Aldapak jolas bat antolatzen duela atsedenaldian. Ikusleek izena eman dezakete eta hiruko bat botatzeko zozketan sartzen dira. Zozketan egokitzen den pertsonak jaurtiketa sartzen badu, Isastegi sagardotegiko produktu sorta eta pilatutako zakua irabazten ditu. Sartzen ez badu, Isastegiko sagardotegiko produktu sorta. Beraz, taldetik zaleak partida ikustera eta jokoan parte hartzera animatu nahi dira.

Elorri Aldapa saskibaloi taldeak etxeko lehen partida jokatu zuen iragan larunbatean Elorri pilotalekuan. Mekalki Aloña Mendi liderraren bisita izan zuten eta gauzak estu egon baziren ere, azkenerako puntu bateko aldeaz galdu zuen talde alegiarrak, 54 eta 55. Sailkapeneko zazpigarrenak dira Elorri Aldapakoak eta larunbatean 19:15ean Andoainen jokatuko dute Zurrut taldearen aurka. Andoaindarrak alegiarren aurretik daude puntu bat gehiagorekin.

Larunbateko partida berezia izan zen, galdu arren. Izan ere, zaleen aurrean jokaturiko lehena izan zen eta lehia hasi aurretik taldeen aurkezpena egiteko baliatu zuten. Taldeko kideak pozik azaldu dira jendearen erantzunarekin eta etxean jokatuko dituzten partidetan zaleen babesa eskertuko dutela jakinarazi dute.